ۇلىق مەرەكەلەر – العىس ايتۋ كۇنى مەن قازاقستان حالقى اسسامبلەياسىنىڭ قۇرىلعان كۇنىنەن باستاۋ الىپ, حالىقارالىق ايەلدەر كۇنى جانە ناۋرىز مەرەكەسى تويلاناتىن ايدىڭ باسىندا ەلباسىنىڭ الەۋمەتتىك باستامالارى بارشا قازاقستاندىقتار ءۇشىن ەرەكشە سىي بولدى.
بيىل ءۇشىنشى جىل قاتارىنان العىس ايتۋ كۇنى ەلىمىزدىڭ تۇكپىر-تۇكپىرىندە كەڭ كولەمدە مەرەكەلەنىپ, الماتى, جامبىل, باتىس قازاقستان جانە وڭتۇستىك قازاقستان وبلىستارىندا كيەلى قازاق جەرىنە, كوڭىلى كەڭ قازاق حالقىنا قيىن-قىستاۋ ۋاقىتتا قولداعاندارى ءۇشىن قۇرمەت بىلدىرەتىن مونۋمەنتتەر اشىلدى.
قازاقستاننىڭ ءبىرتۇتاس حالقى مەملەكەت باسشىسىنىڭ جاڭا الەۋمەتتىك باستامالارىنا شىن پەيىلمەن قولداۋ بىلدىرەدى. ويتكەنى ورتاق ماقساتىمىز – قوعامنىڭ الەۋمەتتىك بىرلىگىن نىعايتۋ, كولەمدى الەۋمەتتىك جوبالاردى بىرلەسە جۇزەگە اسىرۋ, «قازاقستان – ءبىزدىڭ ورتاق ءۇيىمىز» جالپىۇلتتىق يدەياسىن جاڭا ويلارمەن تولىقتىرىپ, ءاربىر قازاقستاندىقتىڭ جاعدايىنىڭ دۇرىس بولۋىنا كۇش سالۋ.
ماسەلەن, ءاربىر وتباسىنا باسپانا الۋدىڭ جاڭا مۇمكىندىكتەرىن بەرۋ, جالاقىسى تومەن جۇمىسشىلاردىڭ ەڭبەكاقىسىن كوبەيتۋ ءۇشىن ولاردىڭ سالىق جۇكتەمەسىن ازايتۋ, جوعارى ءبىلىم الۋدىڭ قولجەتىمدىلىگى مەن ساپاسىن ارتتىرىپ, ستۋدەنت جاستاردىڭ جاتاقحاناداعى جاعدايىن جاقسارتۋ, شاعىن نەسيە بەرۋدى كوبەيتۋ جانە ەلدى گازبەن قامتاماسىز ەتۋ جوسپارلارىنان ەلگە شىنايى قامقورلىقتى سەزىنەمىز.
جاڭا جوبالار ەلىمىزدىڭ ازاماتتارىنىڭ ءومىر ءسۇرۋ دەڭگەيىن بارىنشا جاقسارتاتىندىعىنا كۇمان جوق. «زاماناۋي جاھاندىق احۋالدا ۇلتتىق بىرلىك – الەۋمەتتىك بىرلىك, ال قالىپتاسقان مەملەكەت – الەۋمەتتىك مەملەكەت. ءبىز الەۋمەتتىك مەملەكەت پەن ۇلتتىق وركەندەۋدىڭ شىنايى ءارى سىندارلى قازاقستاندىق مودەلىن مىندەتتى تۇردە بىرگە جاسايتىنىمىزعا سەنىمدىمىن», دەدى پرەزيدەنت.
قازاقستاندىقتاردىڭ ءومىر ساپاسىن ارتتىرۋعا ارنالعان جاڭا الەۋمەتتىك باستامالار دا ورتاق كۇشتى بىرىكتىرۋ ارقىلى جۇزەگە اساتىندىعىنا سەنىمدىمىن.
لەونيد پيتالەنكو,
«بەلارۋس» ەتنومادەني بىرلەستىگىنىڭ توراعاسى
